Í dag munu Hafnfirðingar kjósa um það hvor virkjað verður á Suðurlandi og þenslunni viðhaldið okkur öllum til blessunar.
Nú er búið að skapa óróa og hatursfullar fylkingar í Hafnafirði. Hvaða bæjarfélagi eigum við að rústa næst með því að láta það kjósa? Sem ég maulaði morgunmatinn og naut þess að finna kaffið streyma um æðarnar sá ég jákvæðu hliðarnar á þessu fyrirkomulagi. Hei! Hversvegna ekki að nota alltaf bara Hafnfirðinga til að kjósa um öll mál? Hafnfirðingar eru ágætt þversnið þjóðarinnar. Þeir eru nógu margir til að vera tölfræðilega marktækt úrtak. Þeir eru næstum því borgarbúar, en samt sveitó.
ISK/Evra? Hvar á að bora á Austfjörðum? ESB? Hálendisvegur? Kynjakvótar? Hvar á að virkja? Vændi? Hvalveiðar? Já, og alþingiskosningarnar. Þá yrði vægi atkvæða ekki lengur issjú.
Hugsið ykkur sparnaðinn! Örfáir kjörstaðir í stað þess að bögga alla þjóðina á því að velja sér fylkingu. Talning atkvæða tæki enga stund.
Þetta væri lýðræði sem væri auðvelt í framkvæmd.
b
Hvernig voru ákvarðanir um virkjanir teknar áður en Hafnfirðingar voru spurðir?
birnabirna 
Næsta borun sem ég veit að verður á Austfjörðum er í hægri endajaxlinn í mér. Hafnfirðingar ákváðu það ekki en kannski hefðu þeir viljað borað yrði í vinstri framtönn í staðinn.Það má útfæra þessa ágætu hugmynd enn frekar – með ítarlegum rannsóknum eftir að Hafnfirðingar hafa kosið nokkrum sinnum um þjóðþrifamál, má einfaldlega finna hinn dæmigerða Hafnfirðing og leyfa honum að ráða.
Frábær hugmynd 😉