Frábær grein í Mogganum eftir Ian Watson í morgun Nýtt kerfi – úrelt skilti um leiðbeiningar með leiðakerfi Strætó (BUS.is)

Hann er algerlega dipló og byrjar á að hrósa Stræto fyrir nýtt leiðarkerfi.

En greinin gengur út á tillögur að endurbættum upplýsingum til farþega. Sérstaklega tímatöfluna sem hangir inní skýlunum. Markmið farþega er að sjá hvaða vagnar fari rétta leið og hvenær þeir væru væntanlegir.

Hans tillögur

1. Tímakortin séu sérsniðin að hverri biðstöð og sýni hvenær hver einstakur vagn stoppar þar.
2. Gefa biðstöðunum sérstakt nafn og merkja skýlin.
3. Setja rauðan depil, "Þú ert hér", á kortið á hverri biðstöð.
4. Upplýsingar séu einnig á ensku

Auk þess bendir hann á vefsíður með pælingum á uppsetningu á tímatöflum almenningsvagna

www.trg.soton.ac.uk/bpg

www.its.usyd.edu.au/bus_and_coach_themes/BestPractice.pdf.

Einhverntíma vorum við mamma að ræða svipuð mál og sendum póst til bus.is Okkur fannst merkilegt að geta notað Metró kerfi í París/London/Prag vandræðalaust en klóra okkur í höfðinu yfir Strætó.

Í stuttu máli voru okkar tillögur margar í svipuðum dúr og hjá Ian:

1. Stoppistöðvar séu merktar "Kringlan" "Mjódd" "Grensás"…
2. Kort með leiðinni sé inní vagninum, með nöfnum stöðva þ.a. farþegar geti fylgst með að þeir séu á réttri leið og hversu langt sé í að þeir eigi að hoppa út
3. Í skýlum komi fram kl. hvað vagninn er "Hér"

Ekkert svar barst frá www.bus.is  Kannski lenti pósturinn í spam-filter

b