birnabirna

..ég ætlaði alltaf að klára ferðasöguna yfir Fimmvörðuhálsinn.

 

13:30 En það er svo sem ekki frá mörgu að segja, þetta var svipað, nema í hina áttina. Nú var Beggó með (og við gengum hraðar).

 

15:30 Við hittum Gvend Trausta og Þebu á Morinsheiði ! Það var óvænt. Ég þekkti Gvend ekki strax, því í minningunni er hann um tvítugt og hrekkjóttur. Hann er ekki lengur tvítugur. Þau svindluðu og óku uppeftir.

 

18:00 Annars var þetta sama góða veðrið, léttari byrðar, þreyttari fætur og Fúkki nálgast andsk. ekkert sama hvað maður skröltir áfram. Það var dálítill strekkingur milli jöklanna og við bruddum sandinn og fengum ryk í augun.

Við stoppuðum ekkert í Fúkka, þar var bara rok og fullt af fólki með legghlífar. (pælið í þessum Baldvin sem á að heita að skálinn heiti eftir ..)

20:30 Kvöldsólin skein á síðasta áningarstaðnum á Skógarheiðinni þar sem við gæddum okkur á hjónabandssælu sem Beggó bakaði og bjórnum hennar Völu. Hún bauð uppá 3 mism tegundir. (hún var þó ekki með ananas.. held ég).

 

22:00 Eyrún tók farangurinn okkar með sér að Seljalandsfossi (takk Eyrún) þ.a. við þurftum ekkert að styrkja Austurleið. Það var gaman. Svo ókum við á honum gamla-Rauð beint í suddann í bænum.

 

 

Úff’ alveg úrvinda eftir 2 sólardaga í röð..

 

Við Vala lögðum á Fimmvörðuhálsinn á laugardaginn.

Í þetta sinn vorum við búnar að ákveða að ganga fram og til baka, en ekki bara tala um það. Tókum af stað í þoku, en henni létti fljótlega. Glampandi sól og blíða alla leið. Ég hef séð ýmislegt á hálsinum, en aldrei áður svona gott veður !

 

Við hittum Huldu, Þröst og Sif með miklar matar og sælgætisbirgðir við Fúkka.

Sif stóð sig eins og hetja. Bar mestallan matinn fyrir foreldra sína.

Þau eru aðeins farin að reskjast og þurfa að spara sig fyrir brúðkaupið í águst.

 

  12:20 Brottför frá Skógum

  15:30 Brú   (hálftíma stopp á grasbala nokkru áður)

  16:40 Fúkki  (alveg 50 mín stopp)

  19:50 Morinsheiði

  21:30 Básar (doldið lengi í restina)

            þ.a. þetta voru ca 9 tímar. Það er allt í lagi

 

Ég á sönnunargögn fram að Fúkka, svo varð myndavélin batteríslaus. En ég fór yfir! Það eru vitni.

 

Í Básum byrjaði ég á að tjalda elsku fallega, tæknilega göngutjaldinu mínu.  Fór í jökulkalda sturtu fyrir nóttina og borðaði grillaðan kjúkling. Ummm, takk fyrir kjúklinginn, hann hvarf uppí mig á augabragði. Ég var þreytt og köld eftir sturtuna og þetta var einmitt það sem ég þurfti. Ég náði því ekki að klára bjórinn áður en ég skreið í poka og sveif inní draumalandið.. Z zzz.  Vala kom svo og svaf hjá mér, hún er góður bólfélagi.

 

Gaurarnir í næsta tjaldi, Sothfork, ákváðu kl 1 um nóttina að pakka saman og fara í partý í bænum. Þeim reiknaðist til að þeir yrðu ekki nema svona klukkutíma í bæinn á jöfnum 140 km meðalhraða. Þá voru þeir enn að rífast um hvor væri JR og hvor væri Bobby. Þeim tókst ekki að selja tjaldið.

 

Pétur ætlar með krakkana til London um helgina, þau verða í viku.

Hvað ætti ég að gera um helgina ? þar sem "gera" inniheldur

     * úti

     * hreyfingu

     * útfyrir bæinn

 

Vala stingur uppá að hjóla Nesjavallaleiðina á Þingvöll og svo heiðina heim.

Hvað með að gista á Þingvöllum? Eða er það glatað, farangur og vesen?

Mig vantar afsökun til að sofa í sæta göngutjaldinu mínu.

 

Svo er auðvitað Fimmvörðu hálsinn eftir. (Er hann ekkert að verða þreyttur?)

Við gerðum heiðarlega tilraun til að fara hálsinn 28.maí, en þá var rútan

ekki farin að ganga en skálarnir samt uppteknir þ.a. það gekk ekki upp.

Svo er ég pínulítið búin að fá nóg af Austurleið í bili eftir rútupartýið þegar

við fórum í Mörkina um daginn. Þeim tekst oftast að pirra mig með skorti á

skipulagi og flutningi á milli rúta og yfirbókunum og nú síðast :

"Nei, ekki farið í Bása í dag. Við seljum ekki miða í Bása, bara Húsadal ! "

 

Hvað segið þið? (a) hjóla á Þingvöll  (b) ganga Fimmvörðuháls eða (c) eitthvað allt annað

 

b

 

 

Víí !  Ég fór á bæði bootCamp og karateæfingu í dag, án þess að æla !

 

Veðrið er dásamlegt. Ég er farin "út" að borða

 

b

Jæja, búin að pakka fyrir Mörkina. Alltaf jafn ótrúlega mikið af dóti og mat og breytir nánast engu hvort við erum í lengri eða skemmri tíma. Að þessu sinni er það skemmri tími. Fótbolti / vinna ..

Nú á ég bara aaaðeins eftir að klára smá í vinnunni áður en ég er góð. Þetta er ávani, að vinna alltaf nóttina áður en ég fer í frí. Eins og að mæta 5 mín of seint í karate. Bara ávani.

Beggó ætlar að lesa með mér fjallabókina, búa til tékklista. Við erum sammála um að Birnudalstindur sé eiginlega möst.

Ohhh, ég hlakka til að sofa í tjaldinu mínu  !

Ég er búin með hurðina hans Baldurs !

sem er sögulegt. Þetta er eitthvað sem ég ætlaði að gera í fyrra.

 

Hei, ég var að fatta að mig vantar fjallgöngu í sumarskipulagið !

Hvernig er það hægt ??

 

 * Finna fjall

 * Finna félaga

 * Finna frían tíma  

… fer heim og les Íslensk fjöll: Gönguleiðir á 151 tind   eftir Ara Trausta

 

sólong

 

b

 

Í dag, 30. júní 2005
Steiktar kjötbollur með kartöflumús, rauðkáli, baunum og brúnni sósu. – Berlínarbollur og ís