birnabirna

 

Árshátíðar atriðið er loksins komið í loftið !

Kennararnir hjá Þórshamri dönsuðu magadans á Stöð2 í Ísland í dag

Danni klikkar ekki í mjaðmahreyfingunum 😉

 

þeir voru nú dömulegar klæddir þegar þeir frumsýndu dansinn á árshátíðinni

 

b

þetta er nú bara fyndið ..

 

Í dag, 27. september 2005
Sinnepsbakaður steinbítur með piparsósu, pönnukartöflum og gljáðum gulrótum, salat, skyr og ávextir

 

Ég hlýt að komast í form með þessu móti ! BootCamp kl 10 í morgun,  spilaði svo fótboltaleik "Foreldrar á móti 5.-6. flokk stelpna" hjá Fram (  0 – 2  fyrir foreldrum ). Eydís tók sig vel út í markinu og Pétur átti góðan leik, sérstaklega ef tekið er tillit til þess að hann gerir ekki greinarmun á handbolta og fótbolta.

Bikarúrslitaleikinn Fram–Valur fór 0-1  Hefði verið gaman að fá bikarinn í nýja Fram heimilið.

 

Eftir fótboltaleikinn fór ég beint á karateæfingu, aaðeins of sein. En ég neitaði að taka upphitun, var sko örugglega búin að hita nógu mikið upp.

Við erum komin með nýjan karatekennara. Hrafn Ásgeirsson, heimspekingur, greinilega nörd. Allur tíminn fór í að betrumbæta hjá okkur Age uke. Ná þessum grunnæfingum réttum, áður en við festum okkur í vitleysunni.

Ég hefði þurft að fá svona leiðbeiningar við píanóið hérnaígamladaga, smá aga. Hann lagði m.a. áherslu á að gefa ekkert eftir, þó þetta sé "vörn" heldur nota hana sem sókn. Það er traust, alltaf í sókn. Ingvar átti ekki séns!

 

Ég held ég sé boðin í mat í gula húsið í kvöld, tékka á því ..

 

b

 

smá grín á Gogga boy:

hér eru dæmi um myndir eftir Beggó .. Af þessum finnst mér tréð við sjóinn flottust. Ég þarf að redda myndum af fleiri myndum

So who is your favorite artist ? (visual art, painters, sculptor, photographer, embroidery and the like…)

Jæja, nú er ég komin með Hlaupahandbókina 2004 í hendurnar. Gunnar Páll Jóakimsson kom í heimsókn á morgunverðarfund hjá hlaupahópi bankans.

Það á að halda úti æfingum í vetur, sem er nýlunda. Hingað til hefur starfið dottið niður eftir Reykjavíkurmaraþonið. Ég er að hugsa um að vera með.. amk ef þau æfa ekki á fimmtudögum, jæja fer eftir því kl hvað æfingin verður. Þegar BootCamp námskeiðið er búið ætla ég að hlaupa með ÍR hópnum. Þau hlaupa langt.

Fyrir löngu, löngu síðan, sumarið 1991 byrjaði ég að æfa hjá Mætti (sem heitir núna Hreyfing) með hlaupahópi sem Gunnar Páll stýrði. Frábær þjálfari og yndislegur maður. Það sumar hljóp ég mitt fyrsta hálf-maraþon. Í eina skiptið sem ég hef hlaupið það á sæmilegum tíma, í kringum 1:52. Síðan þá hef ég frekar hlaupið það af þrautseigju en krafti og oft verið í kringum 2 tíma. Það bætast líka a.m.k. 2 mínútur við fyrir hvert kíló (eða var það hvert ár…)

Haustfundur UT-kvenna tókst vonum framar. H.u.b. 80 konur komu saman í húsi Orkuveitunnar.

Þetta var fyrsta formlega samkoman eftir stofnun félagsins.

Fyrirlestrarefnið vakti greinilega áhuga. Sigurður Gíslason talaði um atvinnu- og launaviðtöl.  Að biðja um meira, sagan af Ólivíu Twist. Hvernig á að fá það sem þú vilt.

 

Bíddu.. í alvöru ? Getur verið að tollamálin komist á dagskrá ? 

Er þetta frétt eða froðusnakk ? http://www.frettabladid.is/?PageID=38&NewsID=54457

Palli var að fá sér bát. Hann hefur langað til þess lengi. Ég var svo heppin að fá að fara með fyrstu .. skrefin? nei, áratogin. Vélin fór ekki strax í gang, þurfti að ýta á eitthvað öryggisdæmi, þ.a. við æfðum okkur í að róa.

 

Hreint dásamlegur dagur, spegilsléttur sjór og kyrrðin snemma á laugardagsmorgni, öldugjálfur, hvítir smábátar vögguðu letilega við bryggjuna. Öll veröldin skiptir um gír. Himneskt