birnabirna

 

"Hvað vilja þessar kellingar næst !

sömu laun fyrir sömu störf ??"

 

b

Ég er komin í vinnuna aftur, búin að vera Online á msn-inu í viku á meðan ég lá í leti heima. Sorry :]

En VÁ! verkefnastaðan er frekar skrautleg. og mætingin í Bootcamp / hlaup / karate.. búhúú ég saknaði þess mest.

En ég las nýjustu bókina um Artemis Fowl því að Baldur skipaði mér það. Hún er gasalega spennandi ;]   Jæja, vinnan …

 

Orsök flestra byltinga / borgarastyrjalda er gífurlegur kjaramunur. Mikill munur á þeim sem búa við best og verst kjör. Reiði útí "yfirstéttir" sem búa við óhemju góð kjör, án þess að virðast hafa nokkuð til þeirra unnið, á meðan aðrir komast ekki uppúr fátækt þrátt fyrir ómælt erfiði. Ólíkir heimar þar sem fólk getur ekki sett sig í spor hins.

 

Það er allt í blóma hér á Íslandi, eða hvað ? Launamunur og lífskjaramunur er að aukast mikið. Fólk sem þótti ríkt fyrir 20 árum telst varla efnað í dag. Nú er ekki talandi um 100milljón kalla. Það er ekki fréttnæmt fyrr en komið er yfir milljarðinn. En ég er ekki viss um að "fátæka fólkið" sé neitt fátækara í dag en áður, ég þekki bara ekki nógu vel til. En erum við að búa til gjá á milli "stétta" á Íslandi ? Ég vil að klárir krakkar eigi góða möguleika og mæti lágmarks hindrunum þó svo foreldrar þeirra séu hvorki hálaunafólk né með háskólamenntun. Ég vil að ömmur og afar búi við þokkaleg kjör hvernig hvað svo sem þau erfðu eftir sína foreldra og hvernig svo sem þeirra börnum hefur farnast eigi þau einhver.

 

Hvar finnur maður línurit yfir þróun launabilsins eftir að þjóðhagsstofnun var lögð niður ?

 

Jónas.is segir(best að muna eftir gæsalöppunum, ég gerði bold):

 

Spurningin er alltaf sú sama. Í hvernig samfélagi viljum við búa ?

 

fer svarið eftir því hvaða hópi maður tilheyrir/vill tilheyra/óttast að tilheyra?

 

b

Þorvaldur Gylfason skrifar um ójöfnuð í skiptingu tekna á milli manna, Gini-stuðulinn

Ég henti inn nokkrum nýjum myndum eftir Baldur. Þær er í aðeins of miklum contrast þ.a. skuggarnir sjást ekki almennilega, en samt fínar.  Þetta er sjálfsmynd, eins og hann ætlar að líta út eftir ár, þegar hárið er orðið sítt (og hann orðinn sætari), og myndir af Edward, aðalsöguhetjunni hans og af Amon sem er einn af 5 plágum úr sögunni sem hann og Andri eru að skrifa/teikna. ..  og abstrakt hestur og gaur með abstrakt hár

 

Hann þarf að koma einhverju af þessu efni á prent áður en persónurnar verða orðnar svo skrítnar að enginn skilur þær.

Bútt kampið var alveg nógu erfitt í morgun. Kannski er ég að byrja að fá kvef, eitthvað þung í höfðinu. Bjagga tagga hefur örugglega smitað mig (allt er henni að kenna núna ). Ég er líka búin að skrópa 2svar; á laugardaginn (eftir UT-daginn) og svo svaf ég yfir mig á þriðjudaginn. Það er bara vika eftir, klára hana til að fá eitthvað af viti fyrir peninginn.

Svo taka hlaupin við. Það er hlaupaæfing hér í bankanum í dag, en þær eru bara einusinni í viku. Annars ætla ég að hlaupa með ÍR hópnum í vetur til að undirbúa mig fyrir London maraþonið. Karate, hlaup og jóga í vetur. Það verður ágætt. Allt skemmtilegt og ólíkt.

Birkir babe var með karate tímann á þriðjudaginn. Elska þennan strák. Gaman að hugsa um hvað hann fór í taugarnar á mér þegar við vorum "saman í herbergi". Spurning um að slaka aðeins á taugunum. Ég er eins og hrossin og sparka í nýju hestana í hesthúsinu.

 

birna  – made in sveitin

þessi er sýnd í kvöld Nobody Knows  Háskólabíó – 05.10 kl. 22:20   

Kristens segir hún sé "fjandi" góð.

Er ekki alveg nóg að djamma aðra hverja helgi ? Mér er skapi næst að skrópa í Braggaboðinu á föstudaginn.. eða mæta og fá mér 1 glas og fara svo á tékknesku myndina Štěstí (hamingja) í Regnboganum. Mig langar til að vita hvort ég skil eitthvað í tékknesku ennþá .. 

Ráda bych věděla zda ještě rozumím český  (spurning hvort einhver tékki myndi segja þetta svona)

 

Ut-dagurinn er skollinn á. Haustferð tölvudeildarinnar. Rúta / fyrirlestrar og/eða æfingar / gaman / matur / (ekkert) vín. Á morgun er BootCamp kl 9 og karate kl 1. Hann er alveg að rokka þessi nýi karatekennari.

ég hef ekki grænan grun hvert við erum að fara, sest bara uppí rútu og hreiðra um mig. Vonandi liggur leiðin ekki um Gemlufallsheiði, hún er ófær ..

 

Vááá! frekar fyndinn dagur ! Við vorum í skíðaskálanum í Hveradölum, óvenju stutt ferðalag að þessu sinni.

Ég hef ALDREI orðið vitni að því áður að fyrirlestrar á UT-degi séu lélegir. Mér varð illt í hluthafanum að sjá þennan (dýra) mannfjölda eyða 4 tímum í froðusnakk. Ég er enn ekki viss um hvert efni dagsins var.

 

En hvað um það. Skemmtinefndin stóð sig ljómandi vel. Útbýtti áfengu staup-hlaupi og skikkaði okkur í dýraleik. Þar sem við fengum miða með dýri sem við áttum að leika og finna hina í "fjölskyldunni" til að borða með. Ég var krókódílapabbi  (gólfið soldið skítugt). Það tók enga stund að finna hina í fjölskyldunni …og skiptinemann.

Á eftir fór UPPLYS og fleiri á Hressó að dansa, gaman, hljómsveit, dansa. Bjarni fékk símann minn smá lánaðan. Helgin var yndisleg, ég gerði það sem ég vil. En mætti hvorki í BootCamp né karate af einhverjum ástæðum.

 

b

 

Kvikmyndahátíð er að hefjast ! http://www.filmfest.is/

Sjáum til, hvað ætti maður að fara á að þessu sinni …

 

 

 

Ég held að Sif sé að pæla í þessari ..

Battle in Heaven | Batalla en el cielo Leikstjóri: Carlos Reygadas Mexíkó, 2005, 98 min