birnabirna

 

 

 

 

 

 

 

 

 

 

 

 

Ármann Jakobs er skelkaður yfir að vera sammála Pétri :]

 

næst er það London.. maraþon, ég þori varla að hugsa lengra

 

en þegar ég kem heim, þarf ég að ganga endanlega frá í vinnunni

 

og skipuleggja afmælispartý .. :]

 

og pakka fyrir Þórsmörk. Ég verð skálavörður í Langadal frá miðjum maí

 

 

það er komið sumar

Við Eydís fórum í fermingu hjá Guðjóni Ingimundar- og Huldusyni

Ég gleymdi að fara í hraðbanka áður en ég lagði af stað norður og ætlaði að stoppa á Blönduósi til að taka út, en það var enginn hraðbanki í Esso skálanum og við orðnar seinar þ.a. við ákváðum að taka bara út á Króknum. En þegar við komum þangað virkaði enginn hraðbanki ?? Það var rafmagnslaust í bænum!

Ég skrifaði einhverskonar ávísun á fermingarpening inní umslagið og sendi Guðjóni svo pening eftir helgi.

Það var búið að elda mest af matnum þegar rafmagnið fór af og kalkúnninn var settur á grillið og allt gekk vel fyrir sig. Ég hitti Sísu, sem ég hef ekki séð í 100 ár. Það var gaman að tala við hana og strákinn hennar nr.3 (fatta það núna að sauðurinn ég gleymdi að spyrja hann hvað hann heitir, þarf að fletta því upp.. )  Svo hitti ég Ninný loksins ;] lítur rosa vel út hún frænka.

Pabbi var með nýja myndavél og Eydís og Ölvir æfðu sig með hana. Ég verð að fá myndir hjá pabba, ég gleymdi minni vél.

Ég er fegin að ég fór norður. þetta er auðvitað heilmikil keyrsla, en gaman að fara. Gott að hugsa á langri leið. Eydís er líka góður ferðafélagi. Hún fékk oftast að velja útvarpsstöð :] ég er að verða ágætlega að mér í Pink og Eminem. Baldur minn varð eftir í sumarbústað með pabba sínum. Hann er að verða eldri en ég strákurinn.

 

Vá! það er bara vika í London maraþonið ! Ég er aðeins að verða stressuð.

Ég ætla að klára þessa vegalengd. Sama þó tíminn verði slappur, en klára ..

Það er svo alltaf hægt að bæta tímann, en ákkúrat núna er ég búin að drekka of mikið kaffi

Úff, ég skrifa ekki um neitt nema karate og hlaup ! Kannski vegna þess að ég hugsa ekki um neitt nema karate og hlaup þessa dagana.

 

en ég er líka mikil menningarspíra (víst!)

Við Baldur fórum á V for Vendetta um daginn. Æði, rosa gaman. Það er alveg hægt að líkja myndinni við Matrix og Sin City en það er óþarfi.

Mjög skemmtilegar pólitískar spurningar sem var gaman að ræða við óharnaðan og áhrifagjarnan unglinginn. Yndislegt að ræða pólitík við þá sem eru enn að mynda sér skoðun og hlusta í alvörunni .. 
Hann hefur einmitt oft spurt spurninga sem þessi mynd snerti á. Hver ræður því hver ræður og hvernig halda stjórnvöld völdum. Hann vill t.d. sjálfur ráða yfir landi. Hvað þyrfti hann að gera til þess? 

Myndir minnir á Hitler / Kommúnisma / Bush / Sjálfstæðisflokkinn  .. Mér finnst hún eiga mikið erindi í dag. Ég á eftir að lesa Sjálfshjálparbókina eftir Andra Snæ. Mig grunar að hún sé á svipuðum nótum.

 

Ástarsagan skilaði sér. Ég trúði því að skaðbrenndur gamall kall með grímu og hallærislega hárkollu geislaði af sex-appeal, það er snilld.
Flottar senur. Listaverkakjallarinn var æði, skuggaleg London, BigBen, búningarnir, kalt fangelsið, bardagar
Tónlistin sjarmerandi, box með jazz standördum, sendir mann beint til Prag
Flottar sprengingar á flottum húsum, búmm búmm, full lest af "áburði" (uppskriftin er hér.. )