birnabirna

 

Það skildi þó ekki vera að Valgerður Sverris yrði fyrsti kven-forsætisráðherra Íslands. .

En á meðan við bíðum spennt eftir næstu ríkisstjórn er ekki úr vegi að reikna út hversu mörgum trjám við þurfum að planta til að bæta fyrir bílinn. http://www.kolvidur.is/Reiknivel/Einstaklingar/  Ég er búin að borga fyrir 31 tré.

 

Í dag er mikill gleðidagur (ég er ekki að tala um pólitík) Tiger bæklingurinn fylgir Fréttablaðinu í dag. Hann er fyndinn.

Ólyginn sagði mér að Auður Haralds skrifaði bæklinginn. Er það satt?

. . en ég sé að allt sem kostar 10 kr danskar kostar 200 kr hér, samt er gengið á DKR 11.6

 

Við Ásta fylkjum okkur saman og sækjum fram Esjuna kl 6 í fyrramálið. Með vinstri hreyfingu á grænu Íslandi hyggjumst við verða frjálslyndar í fasi og sjálfstæðar. . . þetta er komið útí algert rugl hjá mér. Ég er farin í háttinn. (ég vona að Ásta verði ekki í tölvunni langt fram á kvöld)

 

b

 

Magga er með forystuna .. 2,1%     Enda hleypur hún lang-lengst og er í mikilli framsókn

Við höfum viku til að fara framúr henni.

 

b

 

Ég er búin að fá nóg af stjórnmálamönnum sem eru enn að reyna að stjórna útfrá málefnunum sem voru heitust þegar þeir komust til pólitískrar meðvitundar.  Eftirstríðsárin eru liðin. Nú eru breyttir tímar. Við þurfum að horfa til framtíðar, ekki stara okkur blind á stóriðju, miðstýringu í landbúnaði og ríkisstyrki til sjávarútvegs. Við þurfum framsókn ekki Framsókn.

 

b

 

"dónalegt gagnvart lýðræðinu". Hvenær hefur vilji kjósenda komið í veg fyrir að Framsókn fari í stjórn.

Mikið vildi ég að við fengjum ferska stjórn sem getur hugsað nýjar hugsanir og hefur áhuga á að ræða t.d. kvenfrelsi, fjölbreytni í atvinnulífi, velferð… Mig langar til að látið verði af því að steypa saman atvinnuvegaráðuneytunum og hugsa meira um að auðvelda atvinnurekstur til að auka nýsköpun. Einfalda reglur, tolla, skatta, .. Til hvers eru "sértækar" aðgerðir fyrir erlenda kvikmyndagerð á íslandi? Hversvegna gilda ekki sömu reglur fyrir allan atvinnurekstur? Hversvegna sjómannaafsláttur? Hversvegna niðurgreiðslur á raforkuverði til álfyrirtækja? Hversvegna er ekki verðskrá með magnafslætti? Almennar reglur.

b

 

Hvað borgar Landsvirkjun fyrir þjóðlendur?

.. að við fáum annaðhvort Samfylkingu eða Vinstri-græn með Sjálfstæðisflokki í næstu ríkisstjórn.

Mér finnst ótrúlegt að menn treysti svona tæpum meirihluta Sjálfstæðis og Framsóknarflokks (og mikið rosalega væri það óspennandi kostur og dónalegur gagnvart lýðræðinu, núna þegar Framsókn hvarf næstum því). Að kippa Frjálslyndum uppí með gömlu ríkisstjórninni er beinlínis hryllileg tilhugsun.

 

b

 

Gallup sjálfur hefur sagt sitt síðasta. Skv. honum fellur ríkisstjórnin !

 

b

 

Verðbólgan á fullu skriði, aðallega vegna hækkandi húsnæðis- og matarverðs ..  stuð !