birnabirna

 

Ohhh! Mér finnst svo gaman í skólanum. Ég vildi ég hefði efni á þessu

 

b

 

Hver stakk hvern í bakið? og MEÐ HVERJU? Silfur Egils var matarmikið að þessu sinni :]

Frænka mín Agnes Braga lá ekki á liði sínu frekar en fyrri daginn. Ég er ekki endilega sammála henni, en það er alltaf gaman að heyra í fólki sem hefur skoðanir og kynnir sér málin. Nú keppast Framsóknar- og sjálfstæðismenn um að rægja hverjir aðra eftir að hafa verið tekir með hendurnar í nammiskálinni.

 

b

 

Kjósendur höfnuðu framsókn í síðustu borgarstjórnarkosningum en samt kippti Villi Binga inní borgarstjórnarmeirihlutann. Svo þegar Sjálfstæðisfólk var upptekið við að karpa, þá hljóp hann í sæng með minnihlutanum. Mér finnst skelfilegt að það sé ekki hægt að mynda meirihluta án hans. Hvernig er hægt að treysta honum? Hann hefur engöngu áhuga á eigin frama. Við horfðum á Dag og Binga kasta skít hvor í annan í Kastljósinu. Eru þeir að fara að vinna saman? VG hafa verið óþreytandi að gera grín að Framsókn. Eru þau að fara að vinna með Binga? Hvað með vilja kjósenda? Þetta er gömul saga og ný í íslenskri pólitík að Framsókn sé við völd án fylgis. Lýðræði, sklýðræði.

 

b 

 

 

 

 

 

hér er linkur á vídeó af leiðinni í Berlínarmaraþoni. Trommuband undir brú. Svona var Berlín, jazz og trommur. 

 

b

 

Ég veiti Milan Kundera Nobelinn í bókmenntum í ár.

 

b

 

undirbúa kennsluna .. svo eftir tímann get ég haldið áfram að forrita. Mig langar til að finna mér mastersverkefni innan málvinnslunnar. Ég nefndi það við Hrafn áðan, ef hann skyldi finna pening og verkefni .. ok, skítt með peninginn. Ég er hvort eð er komin á hausinn. Sonna, Áfram! .. kennslan fyrst.

 

b

 

Nú er vika frá Berlínarmaraþoninu og hvíldartímabilinu lokið. Ásta dró mig frá tölvuskjánum og út að hlaupa áðan og á hún þakkir skildar fyrir það. Ég var í góðu stuði og fann ekki fyrir eymslum í lærinu. Mér hefur kannski batnað við að Berlínarhlaupið.  Mér fannst Ásta draga mig áfram .. en henni fannst það sama og við hlupum báðar á harðaspretti, lafmóðar, snöggar með hringinn.  Fín æfing.

 

Annars er það skólinn .. búin að skrifa tvö Perl forrit í dag; buildLexicon.pl og baseTagger.pl.  og á bara eftir accuracy.pl sem mælir frammistöðu hinna tveggja. já og svo fikta í baseTagger til að ná upp nákvæmninni. þetta er skemmtilegt.  Fín æfing.

 

b

 

Nú hefur verið hætt við að útbýta ódýrum orku-hlutabréfum til valinna manna. Gagnrýnin skilaði sér. Er landslagið að breytast á Íslandi? Komast menn ekki lengur upp með að haga sér hvernig sem er?

Mér finnst vanta alvöru stefnu í orkumálum. Ég vil að stjórnendur orkufyrirtækjanna hafi ekki sjálftökurétt á landi og auðlindum og mengunarkvóta og hagnaði. Annars verður einkavæðing orkunnar stærri skandall en gjafakvótinn á sínum tíma þar sem nokkrir kallar eignuðust fiskinn í sjónum. Sömu kallarnir og höfðu með ofveiði nánast þurkað upp þorskstofnana.

 

b